Geology

Latest News :

LATEST NEWS

Download Needed Font

Geologists' Stories

Paying homage to our revered teachers

Geologists' Stories Main

 

ရုပ်ကြွင်းဆရာအတွက် ဖုတ်သွင်းကဗျာ

ဆရာ့ကို...
ဟို..လွန်ခဲ့တဲ့လေးဆယ့်ငါး
တက္ကသိုလ်ကျောင်းသားအဖြစ်
ပထမနှစ်ကတည်းက
သိခဲ့ရ ကျွမ်းခဲ့ရ။

အငေါက်ခံရင်း အဟောက်ခံရင်း
တပည့်ရင်းကျွန်တော်ဖြစ်ခဲ့တယ်။

ဆေးတံရယ်..အော်စတင်ကားနက်ကလေးရယ်
ရေနွေးကြမ်းမတ်ခွက်နဲ့ လေမှုတ်ဘာဂျာ
အဲဒါ..ဆရာ့ရဲ့ပုံရိပ်လေးတွေပါ။

ကျောက်လွှာတွေထဲကရုပ်ကြွင်း
တစ်ကောင်ချင်းထုတ်
တကုပ်ကုပ်စမ်း
သက်တန်းတွက်စစ်ပေးခဲ့တာ ဆရာပါ။

ပုံတောင်က ပထမဆုံးလူသားရုပ်ကြွင်း
ကွင်းဆင်းရင်းတွေ့ရှိ
ကမ္ဘာသိအောင်လုပ်ခဲ့လို့
ဒုက္ခရောက်ခဲ့တဲ့ဆရာ
(သေသာသွားရော)
ကထိကရာထူးက မတက်ခဲ့ရှာဘူး။

အမှန်ကိုအမှန် ဘွင်းဘွင်း
အရင်းခံအတိုင်းပြောတတ်တဲ့ဆရာ
ဘယ်သူနဲ့မှမတည့်
တပည့်ရောမိတ်ဆွေရော နည်းရှာတယ်။

ဒါပေမယ့်
ရိုးသားတဲ့တပည့် နိုးကြားတဲ့တပည့်
ကြိုးစားတဲ့တပည့်
တကယ့်ကို ဆရာချစ်ခဲ့တယ်။
"ပညာတတ်တွေကိုသတ်တာ..
အဲဒီ (ခွေးမသား) ပညာတတ်တွေပဲဗျ"လို့
တဖွဖွပြောရင်း
တဟင်းဟင်း ရီနေခဲ့တဲ့ဆရာ
သိပ်မှန်တာပဲဗျာ...။

သူ့အခန်းထဲဝင်သွားရင်
ဖုံတင်နေတဲ့စားပွဲ
အက်ကွဲမှန်သား
အုတ်ခဲပြားပေါ်က လက်ဖြစ်လျှပ်စစ်မီးဖို
မဲညိုနေတဲ့မတ်ခွက်
လက်ဘက်ခြောက်ဖတ်နိုင်းချင်းနဲ့
အတင်းသောက်စမ်းပါပြောရင်းဆွေးနွေး
အတွေးသစ်တွေရစေခဲ့တယ်။

ဆရာဟာ..
အများကဘာပြောပြော
သဘောရှင်းတယ်၊ စိတ်ရင်းကောင်းတယ်
သားသမီးတွေကိုအထက်တန်းပညာ အမွေပေးခဲ့သလို
တပည့်တွေကိုလည်း သညာအမွေပေးရင်း
ဖြေးဖြေးချင်း အမှည့်ကြွေကြွေ
ဖြေလို့မရနိုင်ဘူးဆရာ။

ဆရာဟာ..
ဘာသာရေးအကြောင်း
တစေ့တစောင်းမျှမဆွေးနွေး
သွေးအေးခဲ့တာ သတိထားမိရဲ့။

ဒါပေမယ့် ဆရာဟာ...
သားသမီး တပည့်တွေအပေါ်မှာထားတဲ့မေတ္တာနဲ့တင်
ပျော်ရွှင်စွာ ကောင်းရာသုဂတိလားမှာပါ။
(၂၄-၁၁-၂၀၀၁) နေ့ကကွယ်လွန်သွားရှာသော
ရန်ကုန်တက္ကသိုလ်၊ဘူမိဗေဒဌာနမှ အငြိမ်းစားကထိကဆရာဦးသော်တင့်သို့
အမှတ်တရဂါရ၀ပြုရင်း ရေးဖွဲ့ပါသည်။

ကိုလတ် (အင်းဝ)

Photo taken by 1986 as courtesy of Saya Dr.Win Naing (67)
 

 

 
                
 
 
                

ADVERTISEMENT

စိတ်ဝင်စားသောနေရာများ

ဘူမိကျောင်းတော်သား..သီချင်း
http://www.myanmargeosciences.org
http://geolfriends94.blogspot.com
http://geolfriends.com
ဒေါက်တာရင်ရင်နွယ်အမှတ်တရဓါတ်ပုံများ....
ဗုဓ္ဒတရားသံများ
ဓမ္မဒူတ
ဒေါက်တာခင်မောင်ဝင်း-အသည်း..
အသည်းရောင်စီပိုးအကြောင်း

Advertisement Enquiry

                


                        HP : 09 5031741
                        

e - mail :geologist.mm@gmail.com
URl : www.geologist-myanmar.com

 

Copyright 2007 - 2008 by Geologist-myanmar.com.Designed by CREATiVE Web Studio   
Total Hit :

TotalHit